A briv tsu Hitlern

A briv tsu Hitlern

1) Hitler! Her oys vos ikh dir zog:
S’zol kumen shoyn oyf dir a brokh, a klog!
Du megst shoyn hobn Homens sof
Un lign mit di tseyn aroyf,
Vayl du host gebrakht oyf undz a groyse tsore.
Men zol shoyn nokh dir makhn a kine,
Zolst aynnemen a mise-meshine <mise-meshune>,
Un du zolst shoyn vern di kapore!

2) Mayn liber Hitler! Tu zhe mikh oyshern!
Zolst vi amshnelstn “yemakh-shmoy” vern …
Der malekh-hamoves zol dir a bazukh opshtatn
Un s’zol dir a rikh <ruekh> in dem zun fun dayn tatn
Un dayn kop zol men trogn oyf a shverd.
In Daytshland shoyn genug regirt,
Un dem krig genug gefirt,
Di hekhste tsayt tsu lign {foyln} shoyn in dr’erd!

3) Mayn liber Hitler! Kh’meyn es on a shpas,
Az der shlak zol dikh trefn in mitn gas.
Di bord zol dir brenen voyl un sheyn,
Vet dir zayn likhtik in di oygn un varem in di tseyn,
Un s’zol mit dir varfn hekher di dekher on a sof.
Zolst shpayen roza un kakn royt {Zolst shpayen roza oder royt},
S’zol oyf dir aroyf a klavir, vestu hobn a muzikalishn toyt,
Un zolst geyn in dr’erd arayn oyf shtoltsn barg-aroyf!

4) Zolst peygern far hunger un far kelt,
Un zolst mir lebn hundert yor oyf yener velt,
Un dort megstu azoy lang lebn
Biz der kop mit di kni vet zikh tsunoyfklebn
Un di noz mit di finger fun di fis.
Dort vestu hobn oylem-habe,
Nor gey shoyn in dr’erd arayn tsu mayn baben,
Un gib ir op fun mir a grus!

5) Mayn liber Hitler! Kh’hob an eytse a naye,
Efsher vilstu gor a yidishe levaye?
Vet men dikh firn in mikve
Un dir zingen di “Hatikve,”
Un a shoykhet vet dikh koylen mit a brokhe.
Khevre-kadishe vet dikh trogn
Un me vet nokh dir Kadesh zogn,
Un in dr’erd vet zitsn shive dayn mishpokhe …

6) Alzo, mayn liber, zay zhe mir nokh nisht gezunt,
Men zol dikh shisn vi men shist a vildn hunt.
Men zol dikh hengen, men zol dikh shisn,
Az dos blut zol fun dir gisn,
Un ekster zol men fun dir shnaydn yedes eyver.
Men zol dikh brenen, men zol dikh shtekhn,
Un di beyner dir tsebrekhn,
S’zol dir veyekh <veykh> zayn tsu lign dort in keyver!

7) Un postskriptum: peyger mit kurazh!
Breng di fis un di hent un dem kop in aktntash,
Her oys ale mayne eytses,
S’zol a rikh <ruekh> in dayne pleytses
Un a groyse make dir in dayne tseyn.
S’zol keynem nisht shatn nor dir aleyn,
Zolst lign in dr’erd un foyln sheyn,
Bimheyro beyomeynu venoymar omeyn!

אַ בריװ צו היטלערן 

1) היטלער! הער אױס װאָס איך דיר זאָג:
ס׳זאָל קומען שױן אױף דיר אַ בראָך, אַ קלאָג!
דו מעגסט שױן האָבן המנס סוף
און ליגן מיט די צײן אַרױף,
װײַל דו האָסט געבראַכט אױף אונדז אַ גרױסע צרה.
מען זאָל שױן נאָך דיר מאַכן אַ קינה,
זאָלסט אײַננעמען אַ מיתה־משונה,
און דו זאָלסט שױן װערן די כּפּרה!

2) מײַן ליבער היטלער! טו זשע מיך אױסהערן!
זאָלסט װי אַמשנעלסטן „ימח־שמו” װערן…
דער מלאך־המװת זאָל דיר אַ באַזוך אָפּשטאַטן
און ס׳זאָל דיר אַ רוח אין דעם זון פֿון דײַן טאַטן
און דײַן קאָפּ זאָל מען טראָגן אױף אַ שװערד.
אין דײַטשלאַנד שױן גענוג רעגירט,
און דעם קריג גענוג געפֿירט,
די העכסטע צײַט צו ליגן {פֿוילן} שױן אין דר׳ערד!

3) מײַן ליבער היטלער! כ׳מײן עס אָן אַ שפּאַס,
אַז דער שלאַק זאָל דיך טרעפֿן אין מיטן גאַס.
די באָרד זאָל דיר ברענען װױל און שײן,
װעט דיר זײַן ליכטיק אין די אױגן און װאַרעם אין די צײן,
און ס׳זאָל מיט דיר װאַרפֿן העכער די דעכער אָן אַ סוף.
זאָלסט שפּײַען ראָזאַ און קאַקן רױט {זאָלסט שפּײַען ראָזאַ אָדער רױט},
ס׳זאָל אױף דיר אַרױף אַ קלאַװיר, װעסטו האָבן אַ מוזיקאַלישן טױט,
און זאָלסט גײן אין דר׳ערד אַרײַן אױף שטאָלצן באַרג־אַרױף!

4) זאָלסט פּגרן פֿאַר הונגער און פֿאַר קעלט,
און זאָלסט מיר לעבן הונדערט יאָר אױף יענער װעלט,
און דאָרט מעגסטו אַזױ לאַנג לעבן
ביז דער קאָפּ מיט די קני װעט זיך צונױפֿקלעבן
און די נאָז מיט די פֿינגער פֿון די פֿיס.
דאָרט װעסטו האָבן עולם־הבא,
נאָר גײ שױן אין דר׳ערד אַרײַן צו מײַן באַבען,
און גיב איר אָפּ פֿון מיר אַ גרוס!

5) מײַן ליבער היטלער! כ׳האָב אַן עצה אַ נײַע,
אפֿשר װילסטו גאָר אַ ײִדישע לװיה?
װעט מען דיך פֿירן אין מקװה
און דיר זינגען די „התּקװה,”
און אַ שוחט װעט דיך קױלען מיט אַ ברכה.
חבֿרה־קדישא װעט דיך טראָגן
און מע װעט נאָך דיר קדיש זאָגן,
און אין דר׳ערד װעט זיצן שבֿעה דײַן משפּחה…

6) אַלזאָ, מײַן ליבער, זײַ זשע מיר נאָך נישט געזונט,
מען זאָל דיך שיסן װי מען שיסט אַ װילדן הונט.
מען זאָל דיך הענגען, מען זאָל דיך שיסן,
אַז דאָס בלוט זאָל פֿון דיר גיסן,
און עקסטער זאָל מען פֿון דיר שנײַדן יעדעס אבֿר.
מען זאָל דיך ברענען, מען זאָל דיך שטעכן,
און די בײנער דיר צעברעכן,
ס׳זאָל דיר װײעך <װײך> זײַן צו ליגן דאָרט אין קבֿר!

7) און פּאָסטסקריפּטום: פּגר מיט קוראַזש!
ברענג די פֿיס און די הענט און דעם קאָפּ אין אַקטנטאַש,
הער אױס אַלע מײַנע עצות,
ס׳זאָל אַ ריך <רוח> אין דײַנע פּלײצעס
און אַ גרױסע מכּה דיר אין דײַנע צײן.
ס׳זאָל קײנעם נישט שאַטן נאָר דיר אַלײן,
זאָלסט ליגן אין דר׳ערד און פֿױלן שײן,
במהרה בימינו ונאמר אָמן!

A Letter to Hitler

1) Hitler! Listen up to what I have to tell you:  
May there soon come upon you disaster and misfortune!
May you shortly have Haman’s end,
And lie with your teeth upward,
For you have brought upon us a great calamity.
May a lamentation be written about you,
May you experience a grotesque death,
And may you soon be the ritual sacrifice!

2) My dear Hitler!  Hear me out completely!
May “unmentionable” be appended to your name as soon as possible. 
May the angel of death pay you an official visit,
And put the devil in the son of your father,
And may your head be carried upon a sword.
In Germany you have ruled enough,
And your war has gone on enough;
It’s high time for you to lie {rot} in hell!

3) My dear Hitler! I’m not joking,
May calamity strike you in the middle of the street.
May your beard burn well and good, 
So that it lights up your eyes and warms your teeth, 
And may you endlessly be thrown from roof to roof.  
May you spit pink and poop red {May you spit pink or red},
May a piano fall upon you so that you have a musical death,
And may you enter hell, going up the mountain on stilts!  

4) May you drop dead from hunger and from cold,
And may you live for 100 years in the other world [in hell].
And may you live so long in that existence,
That your head and your knee stick together,
And your nose with your toes;
That will be your fate in the world to come.
Just go in the earth now to my grandmother,
And deliver to her a greeting from me! 

5) My dear Hitler! I have a new idea: 
Perhaps you would like a comprehensive Jewish funeral?
People would bring you to the ritual bath,
And sing for you the Hatikvah,
And a butcher would slaughter you with a blessing. 
The Chevra Kadisha [burial society] would carry you,
And the Kaddish [memorial prayer] would be said after you,
And your family would sit shiva [the first week of Jewish mourning] in hell.  

6) So, my dear sir, I do not wish you well. 
People should shoot you, like they shoot a wild dog.
May they hang you, may they shoot you,
So that blood pours from you,
And, finally, may they cut off every limb from you. 
May they burn you, may they prick you, 
And smash your bones,
So that you are tenderized to lie there in your grave!

7) And “Post-Script,” drop dead courageously! 
Bring your feet and your hands and your head in your attaché case.
Listen closely to all my advice:
May there be an evil spirit in your shoulders,
And a large abscess in your teeth.
May it afflict nobody except you alone,
May you lie in the ground and putrefy beautifully.
Soon and in our days, and let us say Amen.